Plantun de Prouvènço

Pèr coumpara dos planto d'encò nostre

Euonymus europaeus & Veronica scutellata

Bounet-de-capelan

Euonymus europaeus

Celastraceae

Àutri noum : Fusan, Coulougnet, Grano-pesoulino.

Noms en français : Fusain, Fusain d'Europe.

Descripcioun :
Lou bounet-de-capelan es un aubret que trachis dins li relarg fres e proche d'aigo. Fai de fueio longo de 2 à 10 cm e de pichòti flour en crous de 6 à 10 mm. Mai se recounèis subretout emé si fru que sèmblon li bounet que pourtien, à passa tèms, li capelan. Aquéli soun roso e quàsi redoun sus lou dessubre e caupon 4 grano. Coumpara emé lou bounet-de-capelan-di-làrgi-fueio qu'èi pentamèro.

Usanço :
Couneissèn pas d'usanço particuliero en Prouvènço pèr aquelo planto. Pamens se saup qu'es emé soun bos cabounisa que se fai lou fusan pèr lou dessin. Dins d'ùni relarg se servien di fru pèr tencha en rouge.

Port : Aubret
Taio : 1 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Euonymus
Famiho : Celastraceae

Ordre : Celastrales

Coulour de la flour : Blanco
Petalo : 4
Ø (o loungour) flour : 6 à 10 mm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à jun

Liò : Bos fres - Ribiero - Baragno
Estànci : Mesoumediterran à Coulinen
Couroulougi : Éurasiatico-Cèntre-Ouèst
Ref. sc. : Euonymus europaeus L., 1753

Verounico(-à-escudet)

Veronica scutellata

Plantaginaceae Scrophulariaceae

Nom en français : Véronique à écusson.

Descripcioun :
Aquesto verounico, di proun raro au nostre, trachis dins li palun tourbous e en ribo de lau de mountagno. Pamens se recounèis eisadamen à si lóngui fueio estrecho e óupousado e à si flour palinouso que duron pas e pourtado pèr de long pecou. Lis enflourejado soun laco.

Usanço :
Couneissèn pas d'usanço particuliero pèr aquelo planto, escriéure au site se n'en sabès mai.

Port : Erbo
Taio : 10 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Veronica
Famiho : Plantaginaceae
Famiho classico : Scrophulariaceae

Ordre : Lamiales

Coulour de la flour : Bluio
Petalo : 4
Ø (o loungour) flour : 5 à 8 mm
Flourido : Printèms - Estiéu - Autouno

Sòu : Si
Autour basso e auto : 0 à 1600 m
Aparado : Noun
Jun à óutoubre

Liò : Palun tourbous - Ribo de lau
Estànci : Mesoumediterran à Subaupen
Couroulougi : Bourealo
Ref. sc. : Veronica scutellata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Euonymus europaeus & Veronica scutellata

ges

Coumpara Bounet-de-capelan emé uno autro planto

Coumpara Verounico(-à-escudet) emé uno autro planto